ഓണത്തിന് സര്ക്കാര് പ്രഖ്യാപിച്ച സൗജന്യ പലവ്യഞ്ജനക്കിറ്റ് തയാറായി. റേഷന് കടകളിലൂടെ ഇന്നു വിതരണം ആരംഭിക്കുമെന്ന് സപ്ലൈകോ സി.എം.ഡി (ഇന് ചാര്ജ്) അലി അസ്ഗാര് പാഷ അറിയിച്ചു.
500 രൂപയോളം വിലവരുന്ന 12 ഇനങ്ങളാണ് കിറ്റിലുളളത്. പഞ്ചസാര (ഒരു കിലോ), ചെറുപയര്/ വന്പയര് (500ഗ്രാം), ശര്ക്കര (ഒരു കിലോ), മുളകുപൊടി (100 ഗ്രാം), മല്ലിപ്പൊടി (100 ഗ്രാം), മഞ്ഞള്പൊടി (100 ഗ്രാം), സാമ്ബാര്പൊടി (100 ഗ്രാം), വെളിച്ചെണ്ണ (500 മി.ലി), പപ്പടം (ഒരു പാക്കറ്റ്-12 എണ്ണം), സേമിയ/പാലട ( ഒരു പാക്കറ്റ്), ഗോതമ്ബ് നുറുക്ക് (ഒരു കിലോ), സഞ്ചി (ഒന്ന്) എന്നിവ അടങ്ങിയതാണ് കിറ്റ്.
88 ലക്ഷം കാര്ഡ് ഉടമകള്ക്കാണ് ഓണക്കിറ്റ് നല്കുക. എ ഐ വൈ വിഭാഗക്കാര്ക്ക് 13,14 ,16 തിയ്യതികളിലും മുന്ഗണന വിഭാഗക്കാര്ക്ക് 19, 20, 21, 22 തീയതികളിലും നല്കും.
ശേഷിക്കുന്ന നീല, വെള്ള കാര്ഡ് ഉടമകള്ക്ക് ഓണത്തിന് മുമ്ബുതന്നെ നല്കും. സംസ്ഥാനത്തെ 1500 പാക്കിങ് കേന്ദ്രങ്ങളിലാണ് കിറ്റുകളൊരുക്കുന്നത്
Post a Comment