വന്ദേഭാരത് മിഷന് ആറാംഘട്ടത്തില് കേരളത്തിലേക്ക് കൂടുതല് സര്വീസുകള്. സംസ്ഥാനം ഉള്പ്പടെ ഇന്ത്യയിലേക്ക് രണ്ട് മാസത്തിനുളളില് 1,561 സര്വീസുകളാണ് പ്രഖ്യാപിച്ചത്. സൗദി അറേബ്യ, കുവൈറ്റ്, ബഹ്റൈന്, ഖത്തര്, യുഎഇ രാജ്യങ്ങളില് നിന്നാണ് കേരളത്തിലേക്ക് സെപ്റ്റംബര്, ഒക്ടോബര് മാസങ്ങളില് അധിക സര്വീസുകള് പ്രഖ്യാപിച്ചിരിക്കുന്നത്.
കുവൈറ്റില് നിന്നാണ് കൂടുതല് സര്വീസുകള്. നാലു വിമാനത്താവളങ്ങളിലേക്കായി 39 വിമാനങ്ങളാണ് യാത്രക്കാരുമായി എത്തുക. ബഹ്റൈനില് നിന്ന് 10 സര്വീസുകളും സൗദി അറേബ്യയില് നിന്ന് ഒമ്പത് സര്വീസുകളാണ് ഉള്ളത്.
ഈ മാസം 14 വരെ സൗദിയില് നിന്ന് ഇന്ത്യയിലേക്ക് ഷെഡ്യൂള് ചെയ്ത 19 വിമാനങ്ങളില് ഒമ്പത് സര്വീസുകളും കേരളത്തിലേക്കാണ്. മൂന്ന് വിമാനങ്ങള് കരിപ്പൂരിലേക്കും മൂന്നെണ്ണം തിരുവനന്തപുരത്തേക്കും രണ്ട് സര്വീസുകള് കൊച്ചിയിലേക്കും ഒരെണ്ണം കണ്ണൂരിലേക്കുമാണ് ഷെഡ്യൂള് ചെയ്തിരിക്കുന്നത്.
ഈ മാസം അഞ്ച്, ഏഴ് തീയതികളില് ദമാമില് നിന്നും 13ന് റിയാദില് നിന്നുമാണ് പ്രവാസികളുമായി വിമാനങ്ങളുമായി കരിപ്പൂരിലെത്തുക. നാല് ,13 തീയതികളില് ദമാമില് നിന്നും ഏഴാം തീയതി റിയാദില് നിന്നുമാണ് തിരുവനന്തപുരത്തേക്കുമാണ് വിമാനങ്ങള് എത്തുക.
Post a Comment