വിദ്യാര്ത്ഥികള്ക്ക് പഠനാവശ്യത്തിന് ലാപ്പ്ടോപ്പ് വാങ്ങുന്നതിന് കേരള സംസ്ഥാന പിന്നാക്ക വികസന കോര്പ്പറേഷന് വായ്പ നല്കുന്നു. സ്കൂള് മുതല് ബിരുദ, ബിരുദാനന്തര, പ്രൊഫഷണല് തലം വരെയുളള ഒബിസി/ മതന്യൂനപക്ഷ വിഭാഗത്തില്പ്പെടുന്ന വിദ്യാര്ത്ഥികള്ക്കാണ് വായ്പ നല്കുന്നത്. അപേക്ഷകരുടെ കുടുംബ വാര്ഷിക വരുമാന പരിധി മൂന്ന് ലക്ഷം രൂപയില് അധികരിക്കരുത്. പലിശ നിരക്ക് ആറ് ശതമാനമാണ്. വായ്പാ തുക 60 പ്രതിമാസ തവണകളായി തിരിച്ചടയ്ക്കണം. വാങ്ങാന് ഉദ്ദേശിക്കുന്ന ലാപ്പ്ടോപ്പിന്റെ ക്വട്ടേഷന്/ഇന്വോയ്സ് അപേക്ഷകര് ഹാജരാക്കണം. ക്വട്ടേഷന്/ഇന്വോയിസ് പ്രകാരം ലാപ്പ്ടോപ്പ് വാങ്ങുന്നതിനാവശ്യമായ 100 ശതമാനം വായ്പയായി അനുവദിക്കും.
പ്രൊഫഷണല് കോഴ്സുകള് പഠിക്കുന്ന വിദ്യാര്ത്ഥികള്ക്ക് ഉയര്ന്ന ശ്രേണിയിലുളള ലാപ്ടോപ്പ് വാങ്ങുന്നതിന് പരമാവധി ഒരു ലക്ഷം രൂപ വരെയും മറ്റ് കോഴ്സുകള് പഠിക്കുന്നവര്ക്ക് പരമാവധി 50,000 രൂപ വരെയും വായ്പ അനുവദിക്കും.18 വയസ് പൂര്ത്തിയായ വിദ്യാര്ത്ഥികള്ക്കും, വിദ്യാര്ത്ഥികള്ക്കുവേണ്ടി അവരുടെ രക്ഷിതാക്കള്ക്കും അപേക്ഷ സമര്പ്പിക്കാം. പദ്ധതി വിശദാംശങ്ങള് www.ksbcdc.com ല് ലഭിക്കും.
Post a Comment