സംസ്ഥാനത്ത് സ്വകാര്യ ബസ്സുകള്‍ ഇന്ന് മുതല്‍ സര്‍വീസുകള്‍ നിര്‍ത്തിവയ്ക്കുന്നു. അനിശ്ചിതകാലത്തേക്ക് ഓടില്ലെന്ന് കാണിച്ച്‌ 9000 ബസ്സുകളാണ് സര്‍ക്കാരിന് ജി ഫോം നല്‍കിയത്.
ആഗസ്റ്റ് ഒന്നു മുതല്‍ സര്‍വീസ് നിര്‍ത്തുകയാണെന്ന് ചൂണ്ടിക്കാട്ടി ബസുടമകള്‍ ഗതാഗത വകുപ്പ് മന്ത്രിക്ക് കത്ത് നല്‍കിയിരുന്നു. നിലവില്‍ കുറച്ച്‌ ബസുകളേ സര്‍വീസ് നടത്തിയിരുന്നുള്ളൂ.
രണ്ട് മാസത്തെ നികുതി ഒഴിവാക്കി നല്‍കണമെന്നാണ് ബസ് ഉടമകള്‍ മുന്നോട്ടു വെക്കുന്ന പ്രധാന ആവശ്യം. എന്നാല്‍ ഈ ആവശ്യം ഗതാഗത വകുപ്പ് അംഗീകരിച്ചിട്ടില്ല. നികുതി പൂര്‍ണമായും ഒഴിവാക്കാനാവില്ലെന്നും കാലാവധി രണ്ട് മാസം നീട്ടി നല്‍കാമെന്നുമുള്ള നിലപാടിലാണ് ഗതാഗത വകുപ്പ്.
ആരോഗ്യ വകുപ്പിന്‍റെ വിയോജിപ്പിനെ തുടര്‍ന്ന് ഇന്ന് മുതല്‍ ദീര്‍ഘദൂര ബസുകള്‍ സര്‍വീസ് പുനരാരംഭിക്കുവാനുള്ള തീരുമാനത്തില്‍ നിന്ന് കെ.എസ്.ആര്‍.ടി.സിയും പിന്‍മാറിയിരുന്നു. ഇതോടെ ദീര്‍ഘദൂര യാത്രക്ക് ബസിനെ ആശ്രയിക്കുന്നവര്‍ ബുദ്ധിമുട്ടിലായിരിക്കുകയാണ്.
Post a Comment