ടെസ്റ്റ് ക്രിക്കറ്റില്‍ ഇരുപത് വര്‍ഷം പൂര്‍ത്തിയാക്കിയെങ്കിലും ബംഗ്ലാദേശ് ടെസ്റ്റ് ക്രിക്കറ്റില്‍ ഇനിയും ഏറെ മെച്ചപ്പെടുവാനുണ്ടെന്ന് സമ്മതിച്ച് ടീം ക്യാപ്റ്റന്‍ മോമിനുള്‍ ഹക്ക്. ഇതുവരെ 119 മത്സരങ്ങള്‍ ടെസ്റ്റില്‍ കളിച്ചിട്ടുള്ള ടീം 14 ടെസ്റ്റുകളാണ് ജയിച്ചിട്ടുള്ളത്. 16 മത്സരങ്ങള്‍ സമനിലയായപ്പോള്‍ 89 മത്സരങ്ങള്‍ പരാജയത്തില്‍ കലാശിച്ചു.
ടീമെന്ന നിലയില്‍ ബംഗ്ലാദേശിന്റെ പ്രകടനം ഉദ്ദേശിച്ച തലത്തിലേക്ക് എത്തിയിട്ടില്ലെന്നതാണ് സത്യസന്ധമായ കാര്യമെന്ന് മോമിനുള്‍ വ്യക്തമാക്കി. എന്നാല്‍ ഒട്ടേറെ പോസിറ്റീവ് കാര്യങ്ങളുണ്ടെന്നും വ്യക്തിഗത പ്രതിഭകളുടെ കാര്യത്തില്‍ ടീം സമ്പുഷ്ടമാണെന്നും മോമിനുള്‍ വ്യക്തമാക്കി.
ഹാട്രിക്ക് നേടിയവരുണ്ട്, അഞ്ച് വിക്കറ്റ് നേട്ടക്കാരുണ്ട്, ഇരട്ട ശതകക്കാരുണ്ട് എന്നത് ടീമിന്റെ വ്യക്തിഗത പ്രതിഭയുടെ ശക്തി കാണിക്കുന്നുവെന്നും മോമിനുള്ള വ്യക്തമാക്കി. ആദ്യ കാലത്ത് നാട്ടില്‍ ബംഗ്ലാദേശിന് വിജയങ്ങള്‍ അധികം കൈവരിക്കുവാന്‍ പറ്റിയിരുന്നില്ലെങ്കില്‍ അത് ഇപ്പോള്‍ മാറിയിട്ടുണ്ടെന്നും മോമിനുള്ള വ്യക്തമാക്കി.
The post ടെസ്റ്റ് ടീമെന്ന നിലയില്‍ ബംഗ്ലാദേശ് ഇനിയും മെച്ചപ്പെടുവാനുണ്ട് appeared first on Fanport.
Post a Comment