എംസിസിയുടെ അടുത്ത പ്രസിഡന്റായി ഇംഗ്ലണ്ട് മുന്‍ വനിത താരം ക്ലെയര്‍ കോണ്ണോര്‍ ചുമതലയേല്‍ക്കും. ക്ലബ്ബിന്റെ 233 വര്‍ഷത്തെ ചരിത്രത്തിലെ ആദ്യത്തെ വനിത പ്രസിഡന്റാവും ക്ലെയര്‍. നിലവിലെ പ്രസിഡന്റ് കുമാര്‍ സംഗക്കാരയാണ് ക്ലെയറിന്റെ നോമിനേഷന്‍ ശ്രീലങ്കയില്‍ നിന്ന് വീഡിയോ സന്ദേശം വഴി അറിയിച്ചത്.
നിലവിലെ കോവിഡ് സാഹചര്യത്തില്‍ ബോര്‍ഡ് ഒരു വര്‍ഷത്തേക്ക് കൂടി സംഗക്കാരയോട് പ്രസിഡന്റായി തുടരുവാന്‍ ആവശ്യപ്പെടുകയായിരുന്നു. ഒക്ടോബര്‍ 2021ലാവും കോണ്ണോര്‍ എംസിസി പ്രസിഡന്റായി ചുമതലയേല്‍ക്കും. 2009ല്‍ ആണ് കോണറിനെ എംസിസിയുടെ ഹോണററി ലൈഫ് മെമ്പര്‍ ആയി പ്രഖ്യാപിച്ചത്.
നിലവില്‍ ഇംഗ്ലണ്ട് ക്രിക്കറ്റ് ബോര്‍ഡ് വനിത ക്രിക്കറ്റിന്റെ മാനേജിംഗ് ഡയറക്ടര്‍ ആണ് കോണ്ണോര്‍.
The post ക്ലെയര്‍ കോണ്ണോര്‍ എംസിസിയുടെ അടുത്ത പ്രസിഡന്റ് appeared first on Fanport.
Post a Comment