സ്വകാര്യ ലാബില്‍ പരിശോധന നടത്തി മുഹമ്മദ് ഹഫീസ്, കോവിഡ് നെഗറ്റീവ്

താന്‍ കോവിഡ് നെഗറ്റീവ് ആണെന്ന് പറഞ്ഞ് പാക്കിസ്ഥാന്‍ താരം മുഹമ്മദ് ഹഫീസ്. ഇന്നലെ പാക്കിസ്ഥാന്‍ ബോര്‍ഡ് നടത്തിയ പരിശോധന ഫലത്തില്‍ താരം ഉള്‍പ്പെടെ ഏഴ് പേര്‍ക്ക് കോവിഡ് ആണെന്ന് സ്ഥിരീകരണം വന്നിരുന്നു. ഇതോടെ പാക്കിസ്ഥാനില്‍ 10 ക്രിക്കറ്റ് താരങ്ങള്‍ക്ക് കോവിഡ് ആണെന്ന് തിരിച്ചറിയുകയായിരുന്നു.

After Tested positive COVID-19 acc to PCB testing Report yesterday,as 2nd opinion & for satisfaction I personally went to Test it again along with my family and here I along with my all family members are reported Negetive Alham du Lillah. May Allah keep us all safe pic.twitter.com/qy0QgUvte0

— Mohammad Hafeez (@MHafeez22) June 24, 2020

ഹഫീസ് ട്വിറ്ററിലൂടെയാണ് താനും കുടുംബവും രണ്ടാം പരിശോധനയ്ക്ക് വിധേയനായെന്നും അതിന് ശേഷം താന്‍ നെഗറ്റീവാണെന്ന് കണ്ടെത്തിയെന്നും പറഞ്ഞത്. പാക്കിസ്ഥാന്റെ ഇംഗ്ലണ്ടിലേക്കുള്ള 29 അംഗ സംഘത്തില്‍ അംഗമായിരുന്നു ഹഫീസ്. ഇപ്പോള്‍ പത്ത് താരങ്ങള്‍ ആണ് കോവിഡ് ബാധിച്ചുവെന്ന് ബോര്‍ഡ് തന്നെ വ്യക്തമാക്കിയത്.

പത്ത് താരങ്ങള്‍ക്ക് കോവിഡ് ബാധിച്ചുവെങ്കിലും പരമ്പര മുന്നോട്ട് പോകുമെന്ന് തന്നെയാണ് പാക്കിസ്ഥാന്‍ സിഇഒ വസീം ഖാന്‍ വ്യക്തമാക്കുന്നത്.

The post സ്വകാര്യ ലാബില്‍ പരിശോധന നടത്തി മുഹമ്മദ് ഹഫീസ്, കോവിഡ് നെഗറ്റീവ് appeared first on Fanport.